Номинациеу «Усэ ык1и прозэ шъуашэм илъхэу» илъэси 3-м щегъэжьагъэу илъэс 12-м нэс зыфи1орэм адыгабзэк1э, къэбэртэе-щэрджэсыбзэк1э, урысыбзэк1э ор-орэу зэхэплъхьэгъэ тхыгъэхэр  Зэнэкъокъум къеогъэхьых, ахэр зыгорэм къыдэхьагъэхэмэ, тхылъ ш1ыгъэхэмэ е интернетым къихьагъэхэмэ хъущтэп.  
Къежъугъэхьыщт тхыгъэхэр - усэх, рассказых, пшысэх, пьесэх, «нон-фикшн» шъуашэм илъхэр.

Бгъэфедэмэ хъущт сюжетхэр:
- пшысэ шъуашэм илъхэр,
- фантастикэ зыхэлъыр,
- щы1эныгъэм ехьыл1эгъэ ш1эныгъэхэр зыхэлъхэр.

Темэу къэп1атыщтхэр:
- ныбджэгъур,
- зэдэ1эпы1эжьыныр,
- тыкъэзыуцухьэрэ дунаир,
- ц1ык1умрэ илэгъухэмрэ,
- ц1ык1умрэ ны-тыхэмрэ,
-Адыгэ Хабзэр – блэк1ыгъэр, неп, неущ.

Персонажэу къэбгъэлъэгъощтхэр:
- псэушъхьэхэр,
- пкъыгъохэр,
- к1элэц1ык1у литературэ лъэпкъ героик1.

«Нон-фикшн» шъуашэм илъ тхыгъэмэ темэу къащып1этыщтхэр:
- Тыкъэзыуцухьэрэ дунаим ехьыл1агъэхэр
Тыкъэзыуцухьэрэ дунаим к1элэц1ык1ур апэрэу нэ1уасэ фэхъу. Мыщ къыхеубытэ: мэкъэпчъыр, лъытак1эр, шъо зэфэшъхьафхэр, тхьамафэм къыубытрэ мафэхэр, нэмык1хэри.

- Къэк1хэрэр, псэушъхьэхэр, ч1ыопсыр
Зы псэушъхьэм е къэк1ырэ уцым игъэк1отыгъэу укъытегущы1эныр, янэшанэхэр къэптхыхьаныр. Къушъхьэхэр, гъоч1эгъхэр, псыхъохэр, псыкъефэххэр. Адыгэмэ къушъхьэмэ къаханэгъэ чъыгхатэхэр. Авторым гъэш1эгъонэу къызэри1уатэрэм ык1и гупшысэ шъхьа1эу къыхихырэм, ащ зэрэрипхыхэрэм бэ ялъытыгъэр.

- 1эпэ-щысэхэр, 1эш1агъэхэр
Произведениехэу 1эш1агъэ зэфэшъхьафмэ нэ1уасэ афэзыш1ыщтхэр, гущы1эм пае:

дышъэ идэм, лъэпкъ шъуашэм, п1уаблэм; музыкальнэ инструментхэм - шык1эпщынэм, къамылым, пхъэк1ычым, нэмык1хэми; адыгэ къуаем иш1ын.

- Ц1ыф ц1эры1охэр. Ящы1эныгъ
Адыгэ орэдус. Гущы1эм пае, Тхьабысымэ Умар.

Адыгэ усак1у, тхак1у. Гущы1эм пае, К1эрэщэ Тембот.

Адыгэ пщынау. Гущы1эм пае,  Хьагъэудж Мыхьамэт.

Сурэтыш1хэр. Гущы1эм пае, П1этыощэ Феликс.

Адыгэмэ ятарихъ. Гущы1эм пае,

Адыгэхэр къызтек1ыгъэхэр

Мамлюкхэр

Тарихъым къыхэнэгъэ ц1ыфхэр
Хытетыныр

1эзак1эу адыгэмэ ахэлъыгъэр

- Дунэе Хэгъэгу зэошхор

Адыгэ Республикэм, КъБР-м, КъЩР-м ащыщхэу Советскэ Союзым и Л1ыхъужъыц1э къызфагъэшъошагъэхэр

Адыгэ Республикэм, КъБР-м, КъЩР-м яч1ып1эхэм партизан бэнэныгъэм хэлэжьагъэхэр

Адыгэмэ яхэбзэ-бзыпхъэхэр. Гущы1эм пае,

П1уртыным епхыгъэхэр

Адыгэ шы лъэпкъхэр

Испунэхэр

1уашъхьэхэр

Адыгэ джэгук1эхэр

Адыгэ 1ашэр

Адыгэ Хабзэр. Гущы1эм пае,

Адыгэ Хабзэм къызэрэдилъытэу лъэхэмыхьаныр, лъытэныгъэр унэгъо ык1и ц1ыф жъугъэмэ ак1оц1.

Ш1эныгъэмрэ техникэмрэ

Математикэм, физикэм, астрономием гъэш1эгъонэу к1элэц1ык1ухэр нэ1уасэ афэзыш1ырэ тхыгъэхэр.

Номинациеу «Сурэтхэр» зыфи1орэм къебгъэхьыщтхэр комикс шъуашэм е silent book шъуашэм илъхэу гъэпсыгъэхэр ары, гущы1эзэгъусэу «silent book» къик1ырэр тхылъэу «1асэу» е «макъэ пымы1ук1эу» гъэпсыгъэр ары. Гущы1э зыхэмыт тхылъ мэхъуа? «Silent book» - мыр текст хэмытэу тхылъ, тарихъыр къыщызы1уатэрэр иллюстрациехэр ары, шъохэмк1э, образхэмк1э. Ащ фэдэ тхылъым ыбзэ (иллюстрациехэр) инхэми, ц1ык1ухэми къагурэ1о, авторэу зыш1ыгъэм ыбзэ шъыпкъэ амыш1эми.

Иллюстрациемэ къащып1этыщт темэхэр

- Тыкъэзыуцухьэрэ дунаим ехьыл1агъэхэр
 
Тыкъэзыуцухьэрэ дунаим к1элэц1ык1ур апэрэу нэ1уасэ фэхъу. Мыщ къыхеубытэ: мэкъэпчъыр, лъытак1эр, шъо зэфэшъхьафхэр, тхьамафэм къыубытрэ мафэхэр, нэмык1хэри.

- Къэк1хэрэр, псэушъхьэхэр, ч1ыопсыр
 
- 1эпэ-щысэхэр, 1эш1агъэхэр

Произведениехэу 1эш1агъэ зэфэшъхьафмэ нэ1уасэ афэзыш1ыщтхэр, гущы1эм пае:

дышъэ идэм, лъэпкъ шъуашэм, п1уаблэм; музыкальнэ инструментхэм - шык1эпщынэм, къамылым, пхъэк1ычым, нэмык1хэми; адыгэ къуаем иш1ын.

- Ц1ыф ц1эры1охэр. Ящы1эныгъ

Адыгэ орэдус. Гущы1эм пае, Тхьабысымэ Умар.
 
Адыгэ усак1у, тхак1у. Гущы1эм пае, К1эрэщэ Тембот.
 
Адыгэ пщынау. Гущы1эм пае,  Хьагъэудж Мыхьамэт.
 
Сурэтыш1хэр. Гущы1эм пае, П1этыощэ Феликс.
 
Адыгэмэ ятарихъ. Гущы1эм пае,

Адыгэхэр къызтек1ыгъэхэр
 
Мамлюкхэр
 
Тарихъым къыхэнэгъэ ц1ыфхэр
 
Хытетыныр
 
1эзак1эу адыгэмэ ахэлъыгъэр
 
- Дунэе Хэгъэгу зэошхор
 
Адыгэ Республикэм, КъБР-м, КъЩР-м ащыщхэу Советскэ Союзым и Л1ыхъужъыц1э къызфагъэшъошагъэхэр
 
Адыгэ Республикэм, КъБР-м, КъЩР-м яч1ып1эхэм партизан бэнэныгъэм хэлэжьагъэхэр
 
Адыгэмэ яхэбзэ-бзыпхъэхэр. Гущы1эм пае,

П1уртыным епхыгъэхэр
 
Адыгэ шы лъэпкъхэр
 
Испунэхэр
 
1уашъхьэхэр
 
Адыгэ джэгук1эхэр
 
Адыгэ 1ашэр
 
Адыгэ Хабзэр. Гущы1эм пае,
 
Адыгэ Хабзэм къызэрэдилъытэу лъэхэмыхьаныр, лъытэныгъэр унэгъо ык1и ц1ыф жъугъэмэ ак1оц1.
 
Ш1эныгъэмрэ техникэмрэ
 
Математикэм, физикэм, астрономием гъэш1эгъонэу к1элэц1ык1ухэр нэ1уасэ афэзыш1ырэ тхыгъэхэр.

Номинациеу «Сурэтхэр» зыфи1орэм къебгъэхьыщтхэр зэхьыл1эгъэщтхэр мы тхак1омэ як1элэц1ык1у произведениехэр ары:

- К1эрэщэ Тембот, Кощбэе Пщымаф, Жэнэ Къырымыз, Къуекъо Налбый, Цуякъо Джэхьфар, Шэк1о Абрек, Абрэдж Сафият;
- Корней Чуковскэм, Самуил Маршак, Борис Заходер, Агние Барто, Сергей Михалковым, Евгений Шварц.
Зэнэкъокъум къебгъэхьыщт Заявкэм (Уигухэлъ къэп1оныр) иллюстрациеу 4-м мынахь мак1эу итын фае тхыгъэу зэхьыл1эгъэщтхэр игъусэхэу (1 заявкэр – 1 тхыгъ). Къябгъэхьымэ хъущт тхылъ зэгохыгъэм сурэт теш1ыхьагъэу, иллюстрациер – 70 %, текстыр – 30 %.
1офш1агъэмэ къыдалъытэн фаер: сурэтхэр к1элэц1ык1ухэу илъэси 3-12  зыныбжьхэм афэгъэхьыгъэщтых, ахэмэ художественнэ ш1ык1эу ащагъэфедагъэхэр, зыш1ыгъэм иеу ямыш1ык1э къэгъэлъэгъуак1э къыхэщыныр.

Номинациеу «Зэдзэк1ыныр» зыфи1орэм хахьэрэр адыгабзэк1э тхыгъэ текстхэр урысыбзэк1э зэбдзэк1ыныр:

- Цуякъо Джахьфар. Тихьэблэ к1алэхэр. Стиххэр. – Мыекъуапэ: Адыгэ тхылъ тедзап1, 1993. – Н. 32;
- Шэк1о Абрек. Симаф. К1элэц1ык1умэ апае усэхэр. – Мыекъуапэ: Адыгэ Республикэм итхылъ тедзап1, 2013. – Н. 64;
- Абрэдж Сафият. Непэ симэфэк1. К1элэц1ык1ухэм апае усэхэр, пшысэхэр, усэ-хырыхыхьэхэр. – Мыекъуапэ: Адыгэ Республикэм итхылъ тедзап1, 2019. – Н. 64;
- Кощбэе Пщымаф. Хъырбыдз пасэхэр. Рассказхэр. – Мыекъуапэ: Краснодар тхылътедзап1эм иадыгэ отделение, 1987. – Н. 88;
- К1эрэщэ Тембот. Умыуцумэ, къиуцук1 у1ук1эн. Рассказ// Хьаджрэт. – Мыекъуапэ: Адыгэ тхылъ тедзап1, 1960. – Н.203.

Урысыбзэк1э тхыгъэхэр адыгабзэк1э, къэбэртэябзэк1э зэбдзэк1ыныр: Михалков С., Заходер Б., Барто А., Пантелеев Л., Токмакова И., Усачев А.

Автормэ ежь-ежьырэу къыхахырэ произведениер зэрадзэк1ымэ хъущт.

Зэнэкъокъум хэлэжьэн зылъэк1ыщтыр Заявкэмк1э (Уигухэлъ къэп1оныр) зыкъэзгъэлъэгъогъэ зэдзэк1ак1ор ары.

Автор пэпчъ 1офш1агъэхэр тамыгъэ 2.000 щегъэжьагъэу 10.000 нэс къаригъэхьын фит.

2026-рэ илъэсым мэкъуогъум и 1-м щегъэжьагъэу шышъхьэ1ум и 31-м нэс Зэнэкъокъум хэлэжьэщтхэм я Заявкэ (Уигухэлъ къэп1оныр), атхыгъэр е зэрадзэк1ыгъэр е сурэтэу аш1ыгъэхэр электроннэ почтэм konkurs.jane@yandex.ru къырагъахьэх.

Заявкэм итын фаех: лъэкъуац1эр, ц1эр, атац1эр, ныбжьыр, ч1ып1эу узщыпсэурэр, 1оф зыщыпш1эрэр е узщеджэрэр, уителефон, уиэлектроннэ почт.

Заявкэм къыщэогъэлъагъо номинациеу къыхэпхыгъэр, ор-орэу къэптхыщт тхыгъэм (произведением) ыц1э е зэбдзэк1ынэу къыхэпхыгъэ тхыгъэм ыц1э. Зы произведениер – зы заявк. Иллюстрациеу 4-м мынахь мак1эу итын фае тхыгъэу зэхьыл1эгъэщтхэр игъусэхэу (1 заявкэр – 1 тхыгъ).

Зэнэкъокъум Заявкэ къезгъэхьырэм зэхэщак1омэ изын къареты информациеу къытыгъэм 1оф даш1эн фитхэу: къыугъоиныр, зы ч1ып1э ыш1ыныр, къыгъэгъунэныр, ыгъэтэрэзыжьыныр, ыгъэфедэныр, афигъэхьыныр, тыригъэк1ыжьыныр.

Зэнэкъокъум къарагъэхьыгъэ 1офш1агъэхэр ык1и ахэмэ ягъэфедэнк1э амал-изынхэр Зэнэкъокъум изэхэщак1охэм пк1э хэмылъэу я1э мэхъу. Ащ фэдэу зэхэщак1омэ амал-изын я1э мэхъу къарагъэхьыгъэ 1офш1агъэхэр тираж аш1ынэу, ц1ыф жъугъэмэ анагъэсынхэу, сайтмэ, литературнэ произведениер зытхыгъэр е зэзыдзэк1ыгъэр к1этхагъэу зэхахьэхэм ащагъэфедэнхэу.

Зэнэкъокъум Заявкэ къебгъэхьыгъэмэ, ащ къик1рэр: Зэнэкъокъум ишапхъэхэм укъязэгъы.

Зэнэкъокъу 1офш1агъэхэр (1эпэрытхыхэр, сурэтхэр) электроннэ шъуашэм илъхэу зэхэщак1омэ яэлектроннэ почтэ къеогъахьэх.

Хэутыгъэ 1эпэрытхыхэмрэ иллюстрациехэмрэ Зэнэкъокъум исайт, нэмык1 социальнэ сайтхэм, дискым, флэшкэм тетхэу къепхьыл1эхэрэр Зэнэкъокъум хэлажьэхэрэп.

1эпэрытхыхэр къеогъэхьых файлым илъхэу форматэу *.doc, *.docx, *.rtf, файлым иразмер – 10 Мб мынахьыбэу. 1эпэрытхыр зэрылъ файлым тетхэгъэщт произведением ыц1э, ау лъэкъуац1и, ц1и, гущы1эхэу «зэнэкъокъу», «заявкэр» теттхэ хъущтэп.

Сурэтхэр къеогъэхьых файлым илъхэу форматэу *png,*.jpg, *.tif, *pdf, файл пэпчъ иразмерыщтыр Кб 600 - Мб 5 нэс. Сурэтыр зэрылъ файлым тетхэгъэщт произведениеу зытепш1ык1ыгъэм ыц1э, ау лъэкъуац1и, ц1и, гущы1эхэу «зэнэкъокъу», «заявкэр» теттхэ хъущтэп.

Зэнэкъокъум къебгъэхьыгъэ 1офш1агъэхэр хэукъоныгъэхэмк1э, стилымк1э дгъэтэрэзыжьхэрэп, рецензие (тиеплъык1э) къэттхырэп (тхыгъэм, зэдзэк1ыгъэм къа1уатэрэр авторхэм япшъэдэк1ыжь мэхъу).

1офш1агъэхэу 2026-рэ илъэсым шышъхьэ1ум и 31-м ыуж къебгъэхьыгъэхэр Зэнэкъокъум хэлэжьэнхэ алъэк1ыщтэп.

Зэнэкъокъум иноминациеу «Усэ ык1и прозэ шъуашэм илъхэу илъэси 3-5 зыныбжь к1элэц1ык1умэ афэгъэхьыгъэ тхыгъэхэр» зыфи1орэмк1э тек1уагъэхэр:

Апэрэ ч1ып1эр – ахъщэу 30.000.
Апэрэ ч1ып1эр – ахъщэу 30.000.
Я 2-рэ ч1ып1эр – ахъщэу 15.000.
Я 3-рэ ч1ып1эр – ахъщэу 10.000.

Зэнэкъокъум иноминациеу «Сурэтхэр» зыфи1орэмк1э тек1уагъэхэр:
Апэрэ ч1ып1эр - ахъщэу 30.000.
Я 2-рэ ч1ып1эр - ахъщэу 15.000.
Я 3-рэ ч1ып1эр - ахъщэу 10.000.

Зэнэкъокъум иноминациеу «Зэдзэк1ыныр» зыфи1орэмк1э тек1уагъэхэр:
Апэрэ ч1ып1эр – ахъщэу 30.000.
Апэрэ ч1ып1эр – ахъщэу 15.000.
Апэрэ ч1ып1эр – ахъщэу 10.000.

Тек1уагъэмэ я1офш1агъэхэр 2025-рэ илъэсым Зэнэкъокъум итхылъ шъхьаф къыдэхьащтых.
Номинациехэм ащытек1уагъэмэ ац1эхэр, алъэкъуац1эхэр Зэнэкъокъум ихэхыгъэ сайт konkursjane@adygnet.ru къихьащтых.