Усэ ык1и прозэ шъуашэм илъхэу илъэси 3-м щегъэжьагъэу илъэси 5-м нэсырэ ц1ык1умэ афэгъэхьыгъэ произведениехэу адыгэ литературабзэк1э е урысыбзэк1э тхыгъэнхэу ыпэк1э хамыутыгъэхэу, къыдамгъэк1ыгъэхэу ык1и интернетым къырамгъэхьагъэу щытын фаех (прозэ шъуашэм илъэу тхыгъэхэр, усэхэр, усэхэу орэдышъом илъхэр – куплетыри жъыури зэхэтэу).

Илъэси 3-м щегъэжьагъэу илъэси 5-м нэсырэ ц1ык1умэ афэгъэхьыгъэ тхыгъэхэм яхьыл1эгъэ сурэт ш1ыгъэхэр (иллюстрациехэр). Номинациеу «Иллюстрацие» зыфи1орэм къебгъэхьыщтхэр зэхьыл1эгъэщтхэр мы тхак1омэ як1элэц1ык1у произведениехэр ары:
 - Жэнэ Къырымызэ иусэхэр,
 - Пэрэныкъо Мурат иусэхэр, ипшысэхэр,
 - Къуекъо Налбый иусэхэр,
 - Адыгэ Хабзэм ехьыл1эгъэ иллюстрациехэр,
 - Корней Чуковскэм итхыгъэхэр,
 - Самуил Маршак итхыгъэхэр,
 - Борис Заходер итхыгъэхэр,
 - Агния Барто итхыгъэхэр,
 - Сергей Михалковым итхыгъэхэр.

Зэнэкъокъум къебгъэхьыщт Заявкэм (Уигухэлъ къэп1оныр) иллюстрациеу 4-м мынахь мак1эу итын фае тхыгъэу зэхьыл1эгъэщтхэр игъусэхэу (1 заявкэр – 1 тхыгъ). Къябгъэхьымэ хъущт тхылъ зэгохыгъэм сурэт теш1ыхьагъэу, иллюстрациер – 70 %, текстыр – 30 %.
1офш1агъэмэ къыдалъытэн фаер: иллюстрациехэр ц1ык1ухэу илъэси 3-5 зыныбжьхэм афэгъэхьыгъэщтых, ахэмэ художественнэ ш1ык1эу ащагъэфедагъэхэр, зыш1ыгъэм иеу ямыш1ык1э къэгъэлъэгъуак1э къыхэщыныр.

Номинациеу «Зэдзэк1ыныр» зыфи1орэм хахьэрэр адыгэ литературабзэк1э тхыгъэ текстхэр урысыбзэк1э зэбдзэк1ыныр:
- Жэнэ Къырымызэ иусэхэр: Жэнэ Къ. Хэшыпык1ыгъэ тхыгъэхэр. Усэхэр. – Мыекъуапэ, 2019. – Н. 280;
- Къуекъо Налбый иусэхэр: Адыгэ к1элэц1ык1у литератур. Хрестоматие. Зэхэзгъ. Ламыкъо Б., Цэй Б. – Мыекъуапэ, 2015. – Н. 332;
- Бэрэтэрэ Хьамидэ иусэхэр: Бэрэтэрэ Хь. Мы1эрысэ плъыжь. – Мыекъуапэ, 1997. – Н. 40.
 Урысыбзэк1э тхыгъэ произведениехэр адыгэ литературабзэк1э зэбдзэк1ыныр:
- Сергей Михалковым итхыгъэхэр,
- Борис Заходер итхыгъэхэр,
- Агния Барто итхыгъэхэр.