Номинациеу «Усэ ык1и прозэ шъуашэм илъхэу илъэси 3-5 зыныбжьхэм апае» адыгабзэк1э, къэбэртэябзэк1э, урысыбзэк1э ор-орэу зэхэплъхьэгъэ тхыгъэхэр Зэнэкъокъум къеогъэхьых, ахэр зыгорэм къыдэхьагъэхэмэ, тхылъ ш1ыгъэхэмэ е интернетым къихьагъэхэмэ хъущтэп. Къежъугъэхьыщт тхыгъэхэр - усэх, рассказых, пшысэх, пьесэх.

Бгъэфедэмэ хъущт сюжетхэр:

• - пшысэ шъуашэм илъхэр,
• - фантастикэ зыхэлъыр,
• - щы1эныгъэм ехьыл1эгъэ ш1эныгъэхэр зыхэлъхэр.

Темэу къэп1атыщтхэр:

• - ныбджэгъур,
• - зэдэ1эпы1эжьыныр,
• - тыкъэзыуцухьэрэ дунаир,
• - ц1ык1умрэ илэгъухэмрэ,
• - ц1ык1умрэ ны-тыхэмрэ,
• - Адыгэ Хабзэр – блэк1ыгъэр, неп, неущ.

• Персонажэу къэбгъэлъэгъощтхэр:
• - псэушъхьэхэр,
• - пкъыгъохэр,
• - к1элэц1ык1у литературэ лъэпкъ героик1.

Номинациеу «Сурэтхэр» зыфи1орэм къебгъэхьыщтхэр зэхьыл1эгъэщтхэр мы тхак1омэ як1элэц1ык1у произведениехэр ары:

- Жэнэ Къырымыз, Къуекъо Налбый, Цуякъо Джэхьфар, Шэк1о Абрек, Абрэдж Сафият;
- Нэлой Заур, Афаунэ Лиуан, Хьац1ык1у Хьасан, Гъубжьэкъо Лиуан, К1ышъэкъо Алим,  Жьурт Бибэрд,  Хьанфынэ Алим, Абытэ Хъызыр;
- Корней Чуковскэм, Самуил Маршак, Борис Заходер, Агние Барто, Сергей Михалковым;
- Адыгэ Хабзэм ехьыл1агъэхэр.
Зэнэкъокъум къебгъэхьыщт Заявкэм (Уигухэлъ къэп1оныр) иллюстрациеу 4-м мынахь мак1эу итын фае тхыгъэу зэхьыл1эгъэщтхэр игъусэхэу (1 заявкэр – 1 тхыгъ). Къябгъэхьымэ хъущт тхылъ зэгохыгъэм сурэт теш1ыхьагъэу, иллюстрациер – 70 %, текстыр – 30 %.
1офш1агъэмэ къыдалъытэн фаер: сурэтхэр к1элэц1ык1ухэу илъэси 3-5 зыныбжьхэм афэгъэхьыгъэщтых, ахэмэ художественнэ ш1ык1эу ащагъэфедагъэхэр, зыш1ыгъэм иеу ямыш1ык1э къэгъэлъэгъуак1э къыхэщыныр.

Номинациеу «Зэдзэк1ыныр» зыфи1орэм хахьэрэр адыгабзэк1э тхыгъэ текстхэр урысыбзэк1э зэбдзэк1ыныр:
- Цуякъо Джахьфар. Тихьэблэ к1алэхэр. Стиххэр. – Мыекъуапэ: Адыгэ тхылъ тедзап1, 1993. – Н. 32;
- Шэк1о Абрек. Симаф. К1элэц1ык1умэ апае усэхэр. – Мыекъуапэ: Адыгэ Республикэм итхылъ тедзап1, 2013. – Н. 64.;
- Абрэдж Сафият. Непэ симэфэк1. К1элэц1ык1ухэм апае усэхэр, пшысэхэр, усэ-хырыхыхьэхэр. – Мыекъуапэ: Адыгэ Республикэм итхылъ тедзап1, 2019. – Н. 64.

К1элэц1ык1умэ апае къэбэртэябзэк1э тхыгъэ текстхэр урысыбзэк1э зэбдзэк1ыным пае бгъэфедэн плъэк1ыщт тхак1охэр:
Нэлой Заур, Афаунэ Лиуан, Хьац1ык1у Хьасан, Гъубжьэкъо Лиуан, К1ышъэкъо Алим, Жьурт Бибэрд, Хьанфынэ Алим, Абытэ Хъызыр.

Урысыбзэк1э тхыгъэ произведениехэр адыгабзэк1э, къэбэртэябзэк1э зэбдзэк1ыным пае бгъэфедэщт тхак1охэр:
Корней Чуковскэр, Самуил Маршак, Борис Заходер, Агние Барто, Сергей Михалковыр.

Зэнэкъокъум хэлэжьэн зылъэк1ыщтыр Заявкэмк1э (Уигухэлъ къэп1оныр) зыкъэзгъэлъэгъогъэ зэдзэк1ак1ор ары.